നാടുകാണി
നാട് കണ്ടു കാട് കണ്ടു,
നാലിടം നാട്ടാരേം കണ്ടു.
കായും തിന്നു കാട്ടുകനിയും തിന്നു,
കാണാ പലഹാരവും തിന്നു.
കാറ്റും കൊണ്ടു കോളും കൊണ്ടു,
കടൽ തിരമാലയും തൊട്ടു.
ഊരും തെണ്ടി ഉലകവും തെണ്ടി,
വീടും വീട്ടുകാരെയും മാത്രം കണ്ടില്ല...
പ്രളയം
പട്ടിണിയും പരിവട്ടവും, വരിഞ്ഞു മുറുക്കുന്ന നിറ വയറും. കുഴിച്ചു മൂടിയ ആഗ്രഹങ്ങൾ വീര്യമേറും ലഹരിയായ് മോന്തിടുന്നു. ആറടി മണ്ണിൽ അന്തിയുറക്കുവാൻ ഈരടി പാട്ടുമായ് നീ വരുമ്പോൾ, എന്നോ മറന്നൊരു ഇരുചക്രോപാദിക്കായ് എവിടെയോ പാറി പറക്കുന്നു ഞാൻ...
Comments
Post a Comment